t

tt

ttt

tt

t

ttt

ttt«Күп тә үтмәстән, утым ялт-йолт итә һәм селкенә,
ttt«Гөлт!» итеп актык нурын бер күрсәтә, аннан сүнә…»*

ttt

ttt

tttТөбенәчә янган шәмдәл…
tttСорыйсың күк:
ttt«Бу — кайдан?»
tttТукайдан ул, Тукайдан…
ttt

ttt

tttБеләсеңме:
tttтеләсә кем
tttкабызалмый бу шәмне.
tttӘ син ут ал,
tttнур көлтәсе
tttчөеп чыксын түшәмне!
ttt

ttt

ttt«И мөкатдәс моңлы сазым! Уйнадың син ник бик аз?
tttСин сынасың, мин сүнәмен, айрылабыз, ахрысы!»

ttt

ttt«…бетте көч, сынды кылыч…»
ttt

tttМөкатдәс саз…
tttБәгыреңә
tttбәйлә өзек кыл очын.
tttСынган, димә —
tttкулыңа ал
tttфидаи җан кылычын!
ttt

ttt

ttt«Очты дөнья читлегеннән тарсынып күңлем кошы…»
ttt

ttt

ttt…Төш аралаш, кулың сузып,
tttсорыйсың күк:
ttt«Бу — кайдан?»
tttХөрлек сөйгән күңел кошы —
tttТукайдан ул, Тукайдан!..
ttt

ttt

tttҮз җаныңа кабул итеп
tttалырсыңмы бу кошны?
ttt

ttt

tttТукай үлемсезлеген син
tttозайтырга бурычлы!
ttt

ttt

 

* Курсив белән бирелгән юллар Г.Тукай шигырьләреннән алынды.


By alex009

Җавап калдыру

Сезнең e-mail адресыгыз һәркемгә ачык итеп куелмаячак. Мәҗбүри кырлар * белән тамгаланган