Күргәнем бар шундый кешеләрне
(Башкаларны болай сагынмам),
Егетләрчә җитди горурланып:
— Без бит, — диләр, — Тукай ягыннан. —
 
Паспортларга түгел, күңелләргә,
Йөрәкләргә уеп язылган:
Минзәләдән булыйк, йә Чаллыдан —
Без барыбер Тукай ягыннан!

Якташларың, Тукай, сине укый…
Бәләкәйдән, бала чагыннан.
Күңелләрдә — синең якты җырлар,
Синең моңнар күздә чагылган!..

Күпләр әйтер шуны, Сорап кара
Идел буе халыкларыннан.
Башны горур чөеп әйтер алар:
— Без, — диярләр, — Тукай каныннан!


By alex009

Җавап калдыру

Сезнең e-mail адресыгыз һәркемгә ачык итеп куелмаячак. Мәҗбүри кырлар * белән тамгаланган