Тукайга күп сүзләр әйтелделәр,
Булды акыллысы, хислесе;
“Тукай – үлде” кебек шикле сүз дә
Ишеттерде хәтта кай кеше.
Нинди сүз бу, котсыз түбән фикер,
Бөекләр хакында әйтелгән?
Шагыйрь үлми, шагыйрь мәңге яши;
Тик Бер Ходай аны яшергән.
Ул яшертен хезмәт итә бүген,
Аңа бездән бәя соралмый…
Гафу, мин үзем дә хәким түгел,
Әрүгә дә бәя сорамыйм.
P.S. Тукай үлде, диеп дан тотабыз,
Тукай үлде, диеп орден тагабыз…
Әйтерсең лә Тукай – тимер чүлмәк,
Инде ватылды, дип чиркәү кагабыз.
